مشكلة الاخوان

عارفين مشكلة الاخوان ايه

انهم كذبوا كذبه كبيره و صدقوها

يعني هم بيقنعوا نفسهم ان الشعب معاهم و بيأيدهم و انهم على حق و مصدقين الكلام ده

خدوا عندكم دي قصه حصلتلي انا شخصيا


يعني انا من اسبوع كده ركبت تاكس و كان فيه راجل شكله طيب كده فقلتله على المكان اللي رايحه قاللي تمام انا عارف المكان ده اصلي كنت بخطب في مسجد قريب منه قلتله تمام

قام قال لي بس الناس اتخانقت معايا

طبعا انا فهمت الناس اتخانقت معاه ليه لكن عملت نفسي مش واخد بالي و قلتله لا حول ولا قوة إلا بالله حتى الشيوخ ليه كده هو حصل ايه

قال لي انه طرطش كده كلمتين في حق السيسي و الكلام معجبش الناس

قلتله بكل هدوء قفل كلام في الموضوع ده علشان انا متخانقش معاك و كان وشي بيضحك لكن هو عمل نفسه مش واخد بالي و قاللي اصل اللي حص ده ماينفعش قلتله يا شيخ وصلني و خد اجرتك من سكات فسكت

المهم اني حسيت من انطباعات الراجل ده انه عايش في وهم انها حرب ضد الدين و ان الناس كلها او الاغلبيه مع الاخوان و بيحاول يأكد ده لنفسه في حديثه مع الناس اللي بتركب معاه لكن بيتصدم بالواقع